..:~((رسائل ليبيه رائعه))~:..

..:~((رسائل ليبيه رائعه))~:..

سلام بارق غارق فارق خارق حارق طارق بابه بقوة !!

سلام دايم حايم غايم عايم هايم شامل مـن كثـر نوره !!

سلام مطر معطر مقطـر للغالـي اللـي أستلـمه تـوه .

* * *

سلام العين للعين والعين ما تصبر بلاكم

سلام القلب للقلب والقلب ينبض بغلاكم

سلام الروح للروح والروح دائما معاكم

* * *

أنت حبيـب الجلسـة

وضي المكان وشمسه

والغالي أصله غالـي

والحلو يفرض نفسـه

* * *

أحنا العين وأنتـم نظرهـا

وأحنا الأيد وأنتم الأصابـع

وأحنا الأرض وأنتم مطرها

بلاكـم تصيـف المرابـع

* * *

الصبر عند العرب مـر

وعند العوارف شجاعـة

أشريها يا صاحب العرف

كان رأيت مهبول باعـه

* * *

لي عين تسكب كما السيل

ولي قلب كاثر خيابـــه

والليل يا مطــول الليل

على اللي مفارق أحبابـه

* * *

أخيـار الأولاد سيـف

وأخيار البنات الرزينـه

واللي عقله شويــــه

يا خسارته وين زينــه

* * *

عندي ثـلاث حاجــــات

يــارب منهن عطينـــي

أرد السيئة بالأحســان

وصبري وتتبيع دينــي

* * *

أنتم غلاكـم بالقلب مالـه قيــــــاس

وأنتم ربيع الروح وانتم سماهـــــا

في حبكم مغرم من الساس للرأس

مثل البحور السبع واللي وراهــــا

* * *

هــذه صفاتــك

بوبح

نونح

بي

فيفخ

فيرظ

فيطل

أقراء من اليسار يا حلو.

* * *

يـا بعيد الدار واحشني كلامك .. صبري طال و ماجانـي سلامك

* * *

وين ما الليل أيجيها تسيل فاقدة غالي عزيز عليها .. العين باكيه

* * ***

دورت شـــيء في داخلــي يزعلنى منك ..

لقيت حتى الزعل في داخلي راضي عنك

* * *

ما نرافقـوا غير زين ولد أجواد مرفوع شانه ..

يعرف دؤانا ودانــا ..

ولا تجيك منه خيانة !

* * *

وين ما نقول بننسى .. إيجي طيفهم يشغل حواسي الخمسة ..

ايجى طيفهم يشغلني ويهجر عيونى النوم ويسهرني ..

ويسيطر عليا إحساس ويحيرني ..

كيف ماسهرت الليل نصبح نمسى ..

* * *

مش كل من غاب نحسب له ويشغل الخاطر إغيابه ..

ولا كل منحــاز نتعب له ونقصد إدياره وبابــه ..

ولا كل ميعاد نرغــب له وتغريني جلسة أصحابه ..

* * *

مازال عنـدي يا عـزيز أسرارك

ومازلــت فــي تذكــــارك

ومازلت عاشق في سماع أخبـارك

ومازال طيفك في المنـام يشـارك

ومازال قدرك فوق مـن مقـدارك

* * *

لا تشيـل هـم السيئـه ..

ولا تقول دنيا ضاقت اليوم عليّ ..

بعد تنعقـد تنحل طيـه بـطيه ..

ويأتي الفرج في وقت ما تدريبـه

* * *

الخاطر إيصبح والصباح عليكـم

ويـ بخت من كاين صباحه فيكم

والخير خيرك والصبح صباحـك

وأشواق قلبي اتجيك في مطراحك " صباح الخير "

* * *

ساكـن خاطـري وإحساسـي

يا ما ورد عطشان قاصد كأسى

ومن بئر حبه بالحنين سقانـي

ومازال عطفه في الغرام أساسي

ومازلت غيره مـا نوالف ثانـي

* * *

يـ بدر وين تشوفـه ..

سلملي عليه وشوف كيف أظروفه ..

راهـى عليه اكبيدتي ملهوفــه

ومازال هو همي وبيت قصــدي ..

ويـابدر ناظرني وناظر حبيبــي

جديد هات لي منه وخوذ جديـدي

* * *

فاقد غلاك وخاطري متضايق ..

بعد غيبتك كيف يمسى الخاطر رايق ..

دقيت هاتفك ما قصدي إزعاجك

فاقد غلاك والقلب داعيلك وين ما أتخطى الخير إيجيلك

* * *

لو كان مانك غالي لا اندورك ولا نحسبك فى بالي ..

ولو كان مانك زين .. ولو كان مانك من عرب زنيين ..

ولو كان مانك خير من الآخرين .. ما كانت عيونى بالدموع أتعاني

مازال مشتاق لكم .. مازال طول العمر ما نبدلكم ..

وين ما نحس القلب محتاج لكم .. نترك الدنيا كلها وانراسلكم

************************************************** *************

(* مشت اق*)

صدقني لشوفك ولقياك

وكل العيون بلا عيونك

ممله ..

اسمك على لساني

وشوقي لملقاك

ورسمكـ ترى بوسط

قلبي محله ..

كلي امل تجمعني الايام

وياكـ

يامالكـ القلب مع العقل

كله ..

°°••? ••?••°°

فديت مرسالك وتسلم لي

يمناك

ويمين اللي على الطيب

رباك

سبحان من خلق في الدنيا

شرواك

بالمعزة والاخلاق محد

يسواك

من طيبة قلبك كل من بالروح

يفداك

يا بخت من دام وعاش

وياك

°°••? ••?••°°

لا تسأل المشتاق ليه أرسل اليوم~

ولا تعذل القلب إذا باح بأسراره~

ياالله عسى الخير لك يدوم ويدوم~

والغالي واجب نتطمن على أخباره~

جعل السعادة تضمك في كل يوم~

ودوم قلبك بالفرح مشعل أنواره~

°°••? ••?••°°

أنا مقدر على الفرقا..

ولكن الزمن غــداااار !!

بعيد عن بعضنا والمسافة

بينك وبيــني..!

عظيــم الشوق يدفعني ..

وأنا عايــش على التــذكــار..!!

سقى الله يوم أنا وياااك ..

ويدينك تحضن يديـــني..!

°°••? ••?••°°

دخيل الدمعتين اللي غدت منها الخدود شقوق

ترفق سامحك ربي على قلب لك اهديته

اذا لك حق في قلبي فانا لي في غلاك حقوق

وحقوق الشوق محفوظة وحدي ما تعديته

°°••? ••?••°°

اشتقتلك بالأمس واليوم مشتاق ..

وباكر اذا شفتك يزيد اشتياقي ..

لحبك يزيد الحب وتزيد الأشواق ..

ويزيد من بين الضلوع احتراقي ..

الله جمع فيك الحلاوه والأخلاق ..

مثلك ولو دورت ماني بلاقي ..

°°••? ••?••°°

سد قلبي منّه اشواقي اتسرّب

واثر شوقي من غيابك فاض سيله

شفت قلب اللي على بعدك مدرّب

طاح عزمه....سلمك رمحه وخيله

عشت ليلٍ من لقا الصبح يتهرّب

كن ليل الكون كله صار

عاشق المزداوي

سلمك فم يا عاشق مسجات حلوه هلبه زيدنا منهم.

ربي يخلي هالقلب الصافي نبضه دافي موش مجافي اريافه واجد كيف اريافي

لي قلب أمفارق محبوبه
أيكابر عالجرح اللي فيه
ماسك دمعاته بهذوبه
يحساب البعد ينسيه
تاريت النسيان أكذوبه
ما غالي يسنى غاليه

منور يا عاشق علي المسجات الحلووة

هناء كتب:: سلمك فم يا عاشق مسجات حلوه هلبه زيدنا منهم.

الله يسلمك يا هناء
ان شاء الله توا نزيد منهم

abdoammar كتب:: ربي يخلي هالقلب الصافي نبضه دافي موش مجافي اريافه واجد كيف اريافي

الله يخليك خوي صحيت علي المرور الجميل

فوزي للنخـاع كتب:: لي قلب أمفارق محبوبه
أيكابر عالجرح اللي فيه
ماسك دمعاته بهذوبه
يحساب البعد ينسيه
تاريت النسيان أكذوبه
ما غالي يسنى غاليه

منور يا عاشق علي المسجات الحلووة

النور نورك خوي فوزي للنخاع

مشكور علي المرور

» مسجات ليبيه حلووة
» رسائل زعل وعتاب ...
» رسائل تلقيح وضحك