فوزي المزداوي
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
((اعتذر الي كل الزوار علي عطل التسجيل في الفتره الماضيه لسبب عطل فني))
شكرا
ادارة المنتدي


عشاق سلطان الطرب الشعبي فوزي المزداوي ومستمعي الفن الشعبي
 
اليوميةس .و .جالرئيسيةبحـثالأعضاءالمجموعاتالتسجيلدخول

شاطر | 
 

 مسجات ليبيه حلووة

اذهب الى الأسفل 
كاتب الموضوعرسالة
فوزي للنخـاع
Administraateur
Administraateur
avatar

رقم العضويه : 2
عدد المساهمات : 289
تاريخ التسجيل : 28/12/2009
العمر : 31
الجنس : ذكر

مُساهمةموضوع: مسجات ليبيه حلووة   الأربعاء ديسمبر 30, 2009 10:27 am

ارجو ان تنال الاعجاب

وين الزمان يهدك حتى قريب الدم يبقى ضدك والناس تنسى هيبتك وتردك
تحبس الدمعه تغلبك وتسيل والغدر واعر يقهرك ويعذك وتلقى المحبه كلها تمثيل

العظم ينكسر ويعيب لكن يبره إلا كسرة الخاطر مصيبة غبره؛العظم ينكسر ويعيب ويجبر ويبره على أيدين طبيب إلا كسرة الخاطر إدير الشيب ؛تخلي كبير القدر يبكي بعبره..

اليوم حسوفه عزيز سيرته بالحيل مو معروفه والدنيا أسرار وكل حد وإظروفه...أوقات صقرها تضحك عليه حمامه وتجيبه إمطوح على الوطا لفلوفه..وزمان منتهي نحن إمغير ضيوفه...

أللي ينظرك بالعين ماتوميله؛وأشكي لربك ماتجي تشكيله..ماتتجده وتجيه تشكي من أمرار الشده وتوقف على بابه عليك أيصده...وباب ربنا مفتوح غير أدعيله وأللي مقسم محال حد أيديره مكتوب في كتابك من أول ليله..



عندي عين ياصاحب ترف .. وعندي عقل مابطل نحيب .. وعندي القلب من جرحي نزف يطلب دوم في قرب الحبيب سمرت الليل ودمعي درف طول الليل مابطل سكيب ! !


وهذه بعض من اجمل المسجات الشعر الشعبي والفصيح
طقه طقه "" اشبح غلاك اليوم تامم حقه و مزال ياما اتشوف !طقه طقه !
***
ضربه بضربه """ عايش حياتى بلاك هم و كربه و انت كلامك سم ضربه! بضربه
***
وينك يا مدهوب الشيره حبك ولع نار كبيره وين ايامك جافى ما دزيت سلامك مشتاقين حديت كلامك من مده مقطوع السيره تواضع ما ترفعش مقامك متخليش اخطاك قصيره
***
ويش اخبارك ؟ ياللي عليك العين دوم اتعارك " تريد تنضرك لكن بعيده دارك !
***
عندك علم؟ ايام الزها و الصوب تمن فلم تعال احظرا !!
***
نص اهموم ...! ونص علايل ... مية طن الخاطر شايل
***
شاور شيره .... مرات نعدرك ونقول فيها خيره .. انكانك نويت الهجر .. شاور شيره
***
من يقدرها ؟ لزت طيور غلاك يا موعرها بعد سكنتك فى القلب
***
صوت وصوره هلى بعيد الدتر مانا شوره ايجى فى منام الليل
***
شــــــايل غلاك و طيفه .. .. لو كان جســـر الكوف شايل كيفه ... راه منحــــني !
***
مرات يزهى خاطري و دليلي......ومرات يا نفسي عليا اتميلي
ومرات نبقى باهي ........ ومرات نبقى في همومي لاهي
ومرات حتى الشين عندي باهي....ومرات حتى الزين ما نرعيله
***
ما تروم خطاك لاهى على ميحك اتميح امعاك
ان جيت بالغلا و القدر ما يغباك ،،، تاخد
القدر وفوق من مطلوبك .... لكن !! معاها
كان قل و فاك ؟؟ خلاص تتركك دور عرب يشقوبك
ــــــــــــــــــــــــــــــــــ
يا ظالم الحب بالشك و على النقص بانى ضنونك ..
اوصول الغلا موش هك .! شكك ايسبب اغبونك
اللي تامنه ايدوم لك و اللي اتخونه يخونك
و الشك كيف الحســــــــك .. بلا مواخده ... فى عيونك ..
ــــــــــــــــــــــــــــــــــ
ما تروم اعيوبك اتموت بالعطش تهلب غدير اشبوبك
اتعيش بعزه ودكراك ان جاها تطرده و تلزه ..
ـــــــــــــــــــــــــــــــــــــ
معاد تسوه باره ولا عاد تستاهل غلا و كباره و اللى نقص
معروف تبرد ناره و حتى الدلال ايجيك يوم اتمله
و الدهر ما تنفع معاه شطاره و كيف ما عقدت الحبل راك اتحله
ــــــــــــــــــــــــــــــــــــــ
الصاحب اللي مايجيك وان الشده قولّت ايش حالك من بعيد اتسده
ـــــــــــــــــــــــــــــــــــــــــــ
تفنا الدنيا ومانهون غلاكم
ولاغيركم نعشق ولانلقاكم
تفنا الدنايا وما نهار يوم ناسيكم
تفناالدنيا وانتم على البال ذاكرينكم
تفنا الدنيا ......
ــــــــــــــــــــــــــــــــــــــــــــ
من اجل عيونك تبسمنا ومن اجل رموشك ارسلنا
ولو ماكنت غالي والله ماتشوف رسائلنا
ـــــــــــــــــــــــــــــــــــــــــ
الناس راقده وأنا قليل رقادي
الروح هايمه والعقل عندك غادي
ــــــــــــــــــــــــــــــــــ
مرات نحسبها ان قول اتسير ومارت نحسبها
ان قول امغير امهيات عطشان شاف السراب غدير
ــــــــــــــــــــــــــــــــــــــ
عزانا في صدام
شديد
صباح العيد
احتسبا يا مولي شهيد
ــــــــــــــــــــــــــــــــــــــ
عزانا فى فارس بغداد** اللى راح فى فجر العيد
عزانا فى بندر عواد** وبرزان وبن عم مجيد
اللى كانو قاده البلاد **وصارو بين اقفاص حديد
محاكم والقاضى جلاد **مهازل وصفه العقيد
ـــــــــــــــــــــــــــــــــــــــــــــــ
مازال فيكم شوقى ومازال يجرى دمكم فى عروقى
ومازال رفقتكم ذهب فى سوقى
امرايف عليكم دوم مو ناسيكم
ــــــــــــــــــــــــــــــــ
سلامين ياصاحبي ...سلام نردة ..
سلام شوق لصحاحب عزيز انعزه..
سلام شوق مافيه يوم ريح تهزة ..
سلام دوم ياللى كيف خوك تعده ..
ــــــــــــــــــــــــــــــــــــــــ


هاج البحر ينشد الغالي وينه؟ قتله رحل بان الزعل في عينه...بقى متكدر ..لونه تغير...والكلام تعذر... ترابه رقى للسطح صار يهدر؛وهدت أمواجه لين طقت فينا
الرجوع الى أعلى الصفحة اذهب الى الأسفل
عاشقة مجيد
مراقبه
مراقبه
avatar

رقم العضويه : 3
عدد المساهمات : 72
تاريخ التسجيل : 27/12/2009
الجنس : انثى

مُساهمةموضوع: رد: مسجات ليبيه حلووة   الثلاثاء يناير 05, 2010 7:30 am

كترلنا منهم يافوزي
منور خوي
تحياتي
الرجوع الى أعلى الصفحة اذهب الى الأسفل
هناء
عضو نشيط
عضو نشيط
avatar

رقم العضويه : 11
عدد المساهمات : 69
تاريخ التسجيل : 28/12/2009
العمر : 28
الجنس : انثى

مُساهمةموضوع: رد: مسجات ليبيه حلووة   الثلاثاء يناير 05, 2010 10:12 am

الله يا فوزي بجد كلهم حلوات وكلهم يعكسوا ذوقك الحلو.
الرجوع الى أعلى الصفحة اذهب الى الأسفل
العميد
عضو مميز
عضو مميز
avatar

رقم العضويه : 5
عدد المساهمات : 261
تاريخ التسجيل : 27/12/2009
الجنس : ذكر

مُساهمةموضوع: رد: مسجات ليبيه حلووة   الأربعاء يناير 27, 2010 6:39 am

صحيت ياغالي عليا ... مجهود طيب

ورسائل رائعه
الرجوع الى أعلى الصفحة اذهب الى الأسفل
عاشق اليل
عضو جديد
عضو جديد


رقم العضويه : 53
عدد المساهمات : 2
تاريخ التسجيل : 27/01/2010
العمر : 32
الجنس : ذكر

مُساهمةموضوع: رد: مسجات ليبيه حلووة   الأحد يناير 31, 2010 4:14 am

تسلم يا تلميذ الحياة على المسجات الحلوة أنشاء الله موفق فى حياتك العلمية والعملية وكمان الرومنسية
وأرجو منك ليلة لاتنسى قبل ان يصل الوالد والأعمام بسلامة
وتمنياتى لك بشكر والعلو دائما
"" الله ياعالى اتعليه علو النخل فى جريده وياربى صونه وأحميه ويازايد العمر زيد"""
الرجوع الى أعلى الصفحة اذهب الى الأسفل
 
مسجات ليبيه حلووة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
فوزي المزداوي :: قســــــــــــــــــــــم الادبي :: رســـــــــSMSـــــــــائل-
انتقل الى: